Xadeyn iyo mamnuucid

Halkan waxaad ka heleysaa waxyaabo la ururiyay oo ku aaddan xadeynta iyo mamnuucidda laga dhaqangeliyay Iswiidhan, feyruska corona awgiis.

ID10

Booqasho mamnuucid lagu soo rogay dhammaan hoyga dadka da’da ah

Xukuumaddu waxay go’aamisay in booqashada laga mamnuuco dhammaan hoyga dadka da’da ah waddanka oo dhan si looga hortago faafitaanka cudurka covid-19. Go’aanku wuxuu dhaqangelayaa 1 bisha Abriil.

Waxaa mamnuucidda leeska cafinayaa marmar dhif ah haddii ay jiraan xaalado gaar ah, khatarta faafitaanka fayruska coronana uu yaryahay.

N5

Mamnuucida kulamada dadweyne ah in ka badan 50 qof

Laga bilaabo axada 29 Maarso waa in kulamada dadweynaha iyo xafladaha dadweynaha aanay ka badan 50 ka qayb-qaate.  Go’aankan waxay dawladu gaartay jimcihii (27 Maarso).

Booliisku wuxuu joojin karaa ama kala dareerin karaa kulan dadweyne ama xaflad dadweyne oo ay joogaan in ka badan 50 ka qayb-qaatayaal.  Qofkii qaban-qaabiya xaflad jebinasa mamnuucidan waxaa lagu xukumi karaa ganaax ama xarig xabsi ah ugu badnaan lix bilood.

Ka hor waxaa jirtay xadayn ahayd 500 qof dhanka kulamada dadweynaha, laakiin taas waa la badalay iminka ka dib codsi ka yimi Hey’adda arrimaha caafimaadka.  Sababtu waa in la xadeeyo faafinta cudurka karoona faayraska covid-19.

Kulan dadweyne

Kulan dadweyne micnahiisu waa:

  • kulamada ah mudaharaadyo ama sideedaba loo qabto in lagu wada-xaajoodo, lagu cabiro fikradaha ama soo bandhigid guud ama arrimo gaar ah
  • muxaadarooyinka iyo casharo la jeedinayo kuwaas oo loo qabtay waxbarasho ahaan ama loogu talogalay soo gudbin fikrado guud ama muwaadin ahaan
  • kulamada loo qabto diin ahaan
  • soo bandhigyada masrax, bandhigyada shaneemo, bandhig heeso iyo kulamada kale ee loogu talogalay in lagu soo gudbiyo alaab farshaxan ah
  • kulamada kale ee xoriyada kulanka lagu dhaqmayo

 

Xaflad dadweyne

Xaflad dadweyne micnaheedu waa:

  • tartamada iyo soo bandhigyada isboortiga, ciyaaraha iyo duulista
  • bandhigyada dhaansiga
  • bandhigyada qalaamaa rogadka kolba meel taga iyo xaflad
  • suuqyada iyo carwooyinka
  • kulamada xafladaha kale ee aan loo arkin kulamo dadweyne ama bandhigyada qalaamaa rogadka kolba meel taga

Iskoolada, gaadiidka dadweynaha, munaasabadaha shakhsiga ah iyo booqashada dukaamada ma ku jirto arimahaas.

ID14

Mamnuucid ku meel gaar ah oo ku saabsan safar ku imaashada Iswiidhan


Laga billaabo 19 Maarso safarrada aan lagama maarmaanka ahayn ee ka imaanaya meel Yurub ka baxsan mamnuuc ayey Iswiidhan ka yihiin. Mamnuuciddu waxay shaqeyneysaa ilaa iyo 15 Juun. Ulajeeddadu waa in la yareeyo faafidda covid-19 iyo saameynta ay leedahay
Kuwa soo socda ayaa soo gelid ka mamnuucidda laga reebay:

  • muwaadiniinta iswiidhishka ah
  • xubnaha qoysaska muwaadiniinta Iswiidhishka ee u shaqeeya shirkad Iswiidhish ah, hey’ad dowladeed oo Iswiidhish ah ama ururrada caalamiga ah ee dibadda, haddii shaqa bixiyhuhu uu halkan ugu yeeryay qofka shaqaalaha ah iyo/ama ciddi la socota
  • muwaadin u dhashay waddan kale oo ka mid waddamada EES, Ingiriiska ama Switzerland ama xubno ka tirsay qoysas u dhashay waddamada EES ama Ingiriiska ama Swtitzerland, oo guryo-noqonaya
  • dadka degganaashada leh ama xaqa degganaashada Iswiidhan ama Midowga Yurub, ee guryo-noqonaya
  • Dadka heysta fiisooyinka qaran ee Iswiidhan lagu soo geli karo, ee guryo-noqon doona.
  • Dadka ajaanibta ah ee qaaba baahida gaarka ah ama Iswiidhan ka qabanaya hawlo lagama maarmaan ah waa laga reebi karaa mamnuucidda, tusaale ahaan.
  • shaqaalaha caafimaadka
  • dadka ka shaqeeya gaadiidka badeecooyinka daabbula, tusaale ahaan cuntada iyo dawooyinka
  • badmaaxiinta shaqada ku jira iyo kuwa ka baxaya iyo darawallada xirfaddoodu tahay gaadiid wadidda ee gaadiidkooda iyo xamuulkoodu uu Iswiidhan ku suganyahay
  • dadka leh sababo qoys oo wax khasbaya.
  • Ciidamada xudduudaha ee Iswiidhishka ayaa go’aaminaya sida qiil u dayidda loo macneynayo iyo go’aamada la gaarayo.

ID30

Talooyin ku socda maqaayadaha iyo meelaha lagu sharaabo

Si loo yareeyo faafitaanka covid-19 waxaa sidoo kale baararka, biibitooyinka iyo maqaayadaha khuseeya sharciyo cuscusub.

  • Maaha in ay dadka ciriir ku noqdaan safafku, miisasku ama meelaha cuntada lagu soo gurto ama miisaska lacagta lagu bixiyo, booqadayaashu waa in ay masaafo isu jirsan karaan.
  • Booqadayaashu waa in ay iyagoo miis fadhiya wax cunaan, waxna cabaan. Shaqaaluhu waa in ay waxyaabaha la dalbaday dadka u geeyaan.
  • Haddii ay suurta gal tahay in martidu ay cuntada iyo cabitaanka dalbato oo ay qaadato waa la oggolyahay taas, ilaa inta aysan taasi keeneyn ciriiri ama safaf.
  • Cuntada la qaadano waa caadi, ilaa intii sidaas la samayn karo iyadoo ay bilaa ciriiri tahay dadka dhexdooda.
  • Maqaayadaha iyo meelaha ku yaal meelaha ciyaaraha barafka lagu qabsado xeerarka wey soo gelayaan.
Publicerades