ንወጻኢ ዚግበር መገሻን ኣብ ወጻኢ ሃገር ምጽናሕን

ኣብዚ ዚስዕብ፡ ጽማቝ ናይቶም ናብን ካብን ሽወደን ዚካየዱ መገሻታት ዚምልከት ናይቲ በዓልስልጣን ሓበሬታ ኣኪብና ኣሎና።
Uppdaterades

ID138

ካብ ወጻኢ ሃገር ናብ ሽወደን ዚካየዱ መገሻታት

ሽወደናዊ ዜግነት ምስ ዚህልወካ

  • ሽወደናዊ ዜግነት ዘለዎ ኩሉ ግዜ ኣብ ውሽጢ ሽወደን ኪገይሽ መሰል ኣለዎ።
  • ድሕሪ ናብ ሃገር ምእታው ተመርመር። እቶም ኣብዘን ዝሓለፋ ሸውዓተ መዓልታት ካብ ሃገራት ኖርደን ወጻኢ ገይሾም ዝነበሩ፡ ናብ ሃገር ሽወደን ድሕሪ ምእታዎም ብቕልጡፍ ወይ ኣብታ መዓልቲ እቲኣ ናይ ኮቪድ-19 መርመራ ኪገብሩ ይሕበሩ ኣለዉ። እዚ ድማ ነቶም እተኸትቡን ዘይተኸትቡን ሰባት ይምልከት፡ ወላውን ነቶም ኣብዘን ዝሓለፋ ሽድሽተ ኣዋርሕ ብኮቪድ-19 ተታሒዞም ዝነበሩ። ወላውን እቶም ኣብ ግዜ ምእታው ነጋቲቭ ውጽኢት ኣርኢዮም ዝነበሩ። ኣብ ናይ ኣጸደህጻናት ዕድመ ዘለዉ ህጻናት ግና ካብዚ ናጻ ኢዮም።
  • ናብ ሽወደን ምስ ኣቶኻ ን14 መዓልታት ናይ ኮቪድ-19 ምልክታት ከይህልወካ ነቒሕካ ተኸታተል። ምልክታት ሕማም ምስ ዚህልወካ ቀልጢፍካ ተመርመር፡ ኣብ ግዜ ናብ ሃገር ምእታው ተመርሚርካ ምንባርካ ብዘየገድስ። ኣብቲ እትርከቦ ዞባ እቲ መስርሕ ከመይ ምኳኑ ንምፍላጥ ኣብ 1177.se ኣቲኻ ኣንብብ። እዚ ድማ ወላውን እተኸተብካ ምስ እትኸውን ወይ ካብቲ እተረጋገጸ ኮቪድ-19 ኣሎካ እተባህለሉ ግዜ ካብ ሽድሽተ ኣዋርሕ ዚውሕድ ሓሊፉ እንተ ነበረን ይምልከት። 

ኣስተውዕል! እዞም ሕግታት'ዚኣቶም ነቶም ናይ ወጻኢ ዜግነት ዘለዎም ኮይኖም ኣብ ሽወደን እተመዝገቡ ወይ ነቶም ሕጋዊ መንበሪ ፍቓድ፡ ናይ መንበሪ መሰል፡ ናይ መንበሪ መዓርግ ሒዞም ኣብ ሽወደን ዚቕመጡ እውን ይምልከቶም ኢዩ። 

ወጻእተኛ ዜጋ ኴንካ ካብ EU/EES ናብ ሽወደን ምስ እትገይሽ

  • ናብ ሃገር ሽወደን ብመገሻ ንኽትኣቱ፡ ወይ ምስክር ክታበት፡ ምስክር መርመራ፡ ወይ ድማ ካብ ኮቪድ-19 ከም ዝሓወኻ ዚገልጽ ምስክር ከተርኢ ይግበኣካ። ካብ ደንማርክ፡ ፊንላንድ፡ ኢስላንድ ወይ ኖርወይ ትመጽእ እንተሎኻ ግን፡ እዚ ኣይምልከተካን ኢዩ። ካብ 18 ዓመት ንታሕቲ ዝኾኑ ህጻናት፡ ሰርቲፊከት ክታበትን፡ ናይ መርመራ ሰርቲፊከትን ከምኡውን ካብ ኮቪድ-19 ምሕዋይ ዚገልጽ ምስክርን ኪህሉዎም ኣየድልን።
  • እዚ ክሳዕ 31 ጥሪ 2022 የገልግል።
  • ናብ ሃገር ክትኣቱ ከሎኻ፡ እቲ ናይ ኮቪድ-19 ነጋቲቭ ውጽኢት፡ እንተ በዝሐ 72 ሰዓታት ዝገበረ ኪኸውን ይግባእ።
  • ድሕሪ ናብ ሃገር ምእታው ተመርመር። እቶም ኣብዘን ዝሓለፋ ሸውዓተ መዓልታት ካብ ሃገራት ኖርደን ወጻኢ ገይሾም ዝነበሩ፡ ናብ ሃገር ሽወደን ድሕሪ ምእታዎም ብቕልጡፍ ወይ ኣብታ መዓልቲ እቲኣ ናይ ኮቪድ-19 መርመራ ኪገብሩ ይሕበሩ ኣለዉ። እዚ ድማ ነቶም እተኸትቡን ዘይተኸትቡን ሰባት ይምልከት፡ ወላውን ነቶም ኣብዘን ዝሓለፋ ሽድሽተ ኣዋርሕ ብኮቪድ-19 ተታሒዞም ዝነበሩ። ወላውን እቶም ኣብ ግዜ ምእታው ነጋቲቭ ውጽኢት ኣርኢዮም ዝነበሩ። ኣብ ናይ ኣጸደህጻናት ዕድመ ዘለዉ ህጻናት ግና ካብዚ ናጻ ኢዮም።
  • ናብ ሽወደን ምስ ኣቶኻ ን14 መዓልታት ናይ ኮቪድ-19 ምልክታት ከይህልወካ ነቒሕካ ተኸታተል። ምልክታት ሕማም ምስ ዚህልወካ ቀልጢፍካ ተመርመር፡ ኣብ ግዜ ናብ ሃገር ምእታው ተመርሚርካ ምንባርካ ብዘየገድስ። ኣብቲ እትርከቦ ዞባ እቲ መስርሕ ከመይ ምኳኑ ንምፍላጥ ኣብ 1177.se ኣቲኻ ኣንብብ። እዚ ድማ ወላውን እተኸተብካ ምስ እትኸውን ወይ ካብቲ እተረጋገጸ ኮቪድ-19 ኣሎካ እተባህለሉ ግዜ ካብ ሽድሽተ ኣዋርሕ ዚውሕድ ሓሊፉ እንተ ነበረን ይምልከት። 
  • እቲ ካብ ኖርደን ሃገራት ወጻኢ ዝገይሽ ሰብ ናብ ሽወደን ኪምለስ ከሎ ናይ PCR-መርመራ ኪወስድ ከም ዘለዎ በዓልመዚ ህዝባዊ ጥዕና ይሕብር። ወላ'ውን ምልክት ሕማም ኣይሃሉዎ። እዚ ግን ነቲ ብምሉኡ እተኸትበ ሰብ ኣይምልከቶም ኢዩ። ብተመሳሳሊ መገዲ ነቲ ኣብዘን ዝሓለፋ ሽድሽተ ኣዋርሕ ኮቪድ-19 ሒዙዎ ዝነበረ ሰብ እውን ኣይምልከቶን ኢዩ።

ኣብቲ ናይ ፖሊስ ወብሳይት ነቶም ካብ EU/EES ናብ ሽወደን ዚገሹ ወጻእተኛታት ዜጋ እንታይ ከም ዚምልከቶም ብተወሳኺ ኣንብብ (እቲ ገጽ ብቛንቋ ሽወደን ኢዩ)

ናይ ወጻኢ ዜጋ ምስ እትኸውን እሞ ካብ EU/EES ወጻኢ ካብ ዝኾና ሃገራት ናብ ሽወደን ምስ እትገይሽ

  • ነቲ ኣድላዪ ዘይኮነ ካብ EU/EES  ወጻኢ ናብ ሽወደን ዚግበር መገሻ ዚኽልክል መምርሒ ጌና ኣብ ቦታኡ ኣሎ። እቲ ክልከላ ነቶም ካብ EU/EES ወጻኢ ናብ ሽወደን ዚገሹ ወጻእተኛታት ኢዩ ዚምልከት። ገለ ፍሉይ ህጹጽ ጉዳይ ዘለዎም ወይ ኣብ ሽወደን ኣዚዩ ኣድላዪ ዝኾነ ዕማማት ዘካዪዱ ሰባት ካብቲ ክልከላ ናጻ ኪኾኑ ይኽእሉ ኢዮም። 
  • እዚ ክሳዕ 31 ጥሪ 2022 የገልግል።
  • እቶም ነቲ ናይ ሕድገት ቅድመኩነት ዘማልኡ ወጻእተኛታት ናብ ሽወደን ኪገሹ ዚኽእሉ እንተ በዝሐ 72 ሰዓታት ዝገበረ ናይ ኮቪድ-19 ነጋቲቭ ውጽኢት ምስ ዘርእዩ ኢዩ። እዚኣቶም ነቲ ናይ በዓልመዚ ህዝባዊ ጥዕና መምርሒ ብምኽታል ናብ ሃገር ምስ እተዉ ቀልጢፎም ኪምርመሩ ይግባእ።
  • ገለ ሃገራት ካብቲ ናይ ምእታው ሃገር ክልከላ ናጻ ኢየን። እቲ ወሳኒ ነገር፡ ሓደ ሰብ ኣብ ሓንቲ ካብዘን ሃገራት ይቕመጥ ምዃኑ ደኣምበር ናይቲ ሃገር ዜጋ ምዃኑ ኣይኮነን። እቲ ናብ ሽወደን ዚገይሽ ሰብ ምእንቲ ናይ መእተዊ ፍቓድ ኪውሃቦ፡ ኣብ ገለ ካብተን እተጠቕሳ ሃገራት ከም ዚቕመጥ ብሰነድ ከረጋግጽ ኪኽእል ኣለዎ።

 ነቲ ካብ EU/EES ሃገራት ናብ ሽወደን ንምእታው ዚኽልክል ብዚምልከት፡ ኣየኖት ሃገራት ሕድገታት ከም እተገብረለን  ኣብቲ ኣብ ናይ ፖሊስ ወብሳይታት ኣብ regeringen መንግስቲ ብተወሳኺ ኣንብብ። 

ናይ ክታበት ምስክር ካብተን ወጻኢ EU/EES ዝኾና ሃገራት

እቲ ካብ ገለ እተጠቕሳ ካብ EU/EES  ወጻኢ ዝኾና ሃገራት እተዋህበ ናይ ክታበት ምስክር፡ ናብ ሽወደን ክትኣቱ ከሎኻ ኪዝውተር ይከኣል ኢዩ። እቲ ናይ ክታበት ምስክር ብቑዕ ንምዃን እቲ ሰብ ምሉእ ብምሉእ እተኸትበን ካብቲ ናይ መወዳእታ ናይ ኮቪድ-19 ክታበት ካብ ዚኽተብ ጀሚሩ ድማ እንተ ወሓደ 14 መዓልታት ዘሕለፈን ኪኸውን ይግባእ።

ኣብቲ ናይ ፖሊስ ወብሳይት  ከምኡውን ኣብቲ ናይ መንግስቲ፡ ነቲ ካብ ወጻኢ EU/EES ናብ ሽወደን ናይ ምእታው ክልከላ ዘሎ እተፈላለየ ሕድገታትን፡ ኣብ ኣየኖት ሃገራት እቲ ናይ ክታበት ምስክር ከም ዚዝውተርን፡ ዚምልከት ተወሳኺ ሓበሬታ ኣሎ።(እቲ ገጻት ብቛንቋ ሽወደን ኢዩ)።

ID139

ናብ ወጻኢ ሃገር ምስ እትገይሽ

ድሉውን ኩሉ ግዜ ሓበሬታ ዘሎካን ኩን

  • ናይ ሕማም ምልክታት ምስ ዚህልወካ ኣይትግሽ።
  • ኩሉ ግዜ እኹል ሓበሬታ ይሃሉኻ። ዞባዊ ቅየዳታትን መምርሒታትን ኪመጹን ብሃንደበት ኪልወጡን ይኽእሉ ኢዮም። ንኣብነት ናይ ኣፍን ኣፍንጫን መሸፈኒ ግበር ወይ ርሕቀትካ ሓሉ ዚብሉ መምርሒታት ኪወጹ ይኽእሉ ኢዮም።
  • ድሕሪ ጕዕዞኻ ዚስዕብ ሰሙን ምስ መን ከም እትራኸብ ጥንቁቕ ኩን። ብፍላይ ምስቶም ኣብ ተነቃፊ ጉጅለ ዘለዉ ሰባት ከይትራኸብ ተጠንቀቕ።
  • ነቲ መገሻኻ ዚምልከት እዋናዊ ሓበሬታ ንምርካብ ነዚ ዳውንሎድ ግበሮ፥ appen UD Resklar ። እተን ኤምባሲታት እውን ኣብቲ Sweden Abroad እዋናዊ ናይ መገሻ ሓበሬታ ኣለወን። (እቲ ገጽ ብቛንቋ ሽወደንን ገለ ካልእ ቋንቋታትን ኢዩ።)

ብምኽንያት ኣብቲ ሃገር ዘሎ ኩነታት ንቤትካ ክትምለስ ጸገም ምስ ዘጋጥመካ፡ ሚኒስትሪ ጉዳያት ወጻኢ ወይ ናይ ወጻኢ በዓልስልጣን ናብ ሽወደን ዘብጽሓካ ናይ መጎዓዝያ ደገፍ ኪገብረልካ ኣይክእልን ኢዩ። ሚኒስትሪ ጉዳያት ወጻኢ፡ ንኮሮና ቫይረስን ንመገሻን ዚምልከት ሕቶታት ንምቕራብ ፍሉይ ቁጽሪ ተለፎን ኣለዎ፥ 08-405 92 00።

ህጹጽ ቆንስላዊ ኩነታት ምስ ዘጓንፈካ፡ ናብቲ ናይ ሚኒስትሪ ጉዳያት ወጻኢ ቆንስላዊ ናይ ህጹጽ ረድኤት ኣገልግሎት ብ 08-405 50 05 ደውል።

እዘን ዚስዕባ መላግቦታት ናብቶም ብቛንቋ ሽወደን ዚገልጹ ገጻት ኢየን ዚመርሓ

ናይ ሚኒስትሪ ጉዳያት ወጻኢ ናይ መገሻታት ሓበሬታ ኣብቲ ናይ መንግስቲ መርበብ ሓበሬታ  ይርከብ።

ብነፈርቲ ንዚካየዱ መገሻታት ብዚምልከት ኣብ ናይ መጎዓዝያ በዓልስልጣን ወብሳይት ሓበሬታ ኣሎ።

ናይ መገሻ ምስክር ወረቐት

እተፈላለያ ሃገራት እተፈላለየ ናይ መእተዊ ሃገር ዓይነት ምስክር ኢየን ዚደልያ። ስለዚ ኣብታ እትገሻ ዘሎኻ ሃገር እንታይ ዓይነት ጠለባት ከም ዘሎ ንምፍላጥ ሓበሬታ ይሃሉኻ።

 ናይ መገሻ ምስክር ወረቐት ምሃብ ናይ ክፍሊ ክንክን ልሙድ ስራሕ ኣይኮነን። ይኹንምበር ብዙሓት ወሃብቲ ኣገልግሎት ሕክምና፡ ነቲ ናይ መገሻ ምስክር ዚምልከት ሕክምናዊ መርመራ ይገብራ ኢየን።

ቅድሚ ምጋሽካ እንታይ ክትሓስብ ከም ዘሎካ ዝያዳ ሓበሬታ ንምርካብ ኣብ ናይ በዓልመዚ ህዝባዊ ጥዕና መርበብ ሓበሬታ ኣቲኻ ድለ። (እቲ ገጽ ብቛንቋ ሽወደን ኢዩ)