Näin met työskentelemä Krisinformation.se (Om Krisinformation.se)

Kokhoon kerätt tietoja Ruottin viranomhaisilta

Krisinformation.se on tarkotettu yleisöle ja on Ruottin viranomaisitten yhteinen kriisition kanaali. Met kerräämä kaikki yhteen paikhaan, ette tion löytäminen on helppoa riippumatta siittä, mikä viranomhainen on vastuussa. Ruottin Siviilipuolustusvirasto ohjaa Krisinformation.se. 

Met tiivistämä tärkeimät asiat ja annama ylheiskattauksen. Krisinformation.se jättää perustietoja, joita sie tarttet ette hallita tilanetta. Jos sie haluat tietää lissää, met ohjaama sinun vastuulisen aktöörin tykö, joka vastaa perustheelisesti asiasta. Krisinformation.se antaa tietoja ennen kriisiä, sen aikana ja jälkhiin kriisin eli pahiimilta soan aikana.

Mitä met julkaisema

Krisinformation.se antaa varotuksia, nykyhetken tietoja ja neuvoja kuinka sie saatat valmistautua erinlaishiin kriishiin. Redaksjuuni julkaisee kans haastatteluja ja reportaasjia, jokka käsittelevät kriisibereedskaappia ja kriisinhoitoa.

Kirjaliset lähteet

Eelytys ette Krisinformation.se saattaa välittää tietoja on, ette joku viranomhainen, kunta eli muu vastuussa oleva yhteiskunnan aktööri on julkaissu kirjalista tietoa. Krisinformation.se aina länkkaa näihin lähteishiin, ette sie vierailijana näet, mistä tiot tulevat.

Kanaalit

Krisinformation.se on vebbisivu, mutta se on kans appina ja sosiaalissa meetiassa. Sie voit panna kysymyksiä redaksjuunile Facebokissa, Instagramissa eli e-postin kautta. Met olema kans saatavilla alustala X.

Muut kielet

Krisinformation.se sisältää tietoja ruottiks, englantiks ja helposti luettavaa ruottia. Jokku perustiot esimerkiks mettäpaloista ja vesipuutheesta on käänetty useamile muile kielile. Met käänämä kans useamile kielile sillon kun on vissiä suuria kriisiä ja tapahtumia.