Ná doaibmá Krisinformation.se (Om Krisinformation.se)

Čohkkejuvvon dieđut ruoŧŧelaš eiseválddiin

Krisinformation.se siidu lea oaivvilduvvon álbmogii ja lea ruoŧŧelaš eiseválddiid oktasaš kanála kriisadiehtojuohkimii. Mii čohkket buot ovtta sadjái, vai livččii álki gávdnat dieđuid das beroškeahttá guhte eiseválddis lea ovddasvástádus. Siviilasuodjalusa eiseválddit jođihit Krisinformation.se.

Mii čohkket deháleamos áššiid ja addit oppalašgova. Krisinformation.se siiddus oaččut vuođđodieđuid, maid dárbbašat, vai sáhtát hálddašit dili. Jus háliidat diehtit eanet, mii čujuhit dutnje ovddasvástideaddji doaibmi, geas leat dárkilut dieđut. Krisinformation.se almmuha dieđuid ovdal kriissa dehe vearrámus dilis soađi, dan áigge ja maŋŋá.

Maid mii almmuhit

Krisinformation.se siiddus oaččut váruhusaid, áigeguovdilis dieđuid ja rávvagiid das, mo sáhtát válbmanit iešguđetlágan kriissaide. Doaimmahus almmustahttá maiddái jearahallamiid, mat gieđahallet kriisaválmmašvuođa ja kriisahálddašeami.

Čálalaš gáldut

Eaktun dasa, ahte Krisinformation.se sáhttá gaskkustit dieđuid, lea ahte eiseváldi, gielda dahje eará ovddasvástideaddji servodatdoaibmi lea almmuhan čálalaš dieđuid. Krisinformation.se ovttasta liŋkkaid álo dáid gálduide nu, ahte don galledeaddjin beasat oaidnit, gos diehtu boahtá.

Kanálat

Krisinformation.se lea neahttasiidu, muhto gávdno maiddái áppan ja sosiála kanálain. Sáhtát bidjat gažaldagaid doaimmahusjovkui Facebookas, Instagramas dahje e-poastta bokte. Mii leat maiddái X-lávddis.

Eará gielat

Krisinformation.se siiddus leat dieđut ruoŧagillii, eaŋgalasgillii ja čielgaruođagillii. Muhtun vuođđodieđut ovdamearkka dihte meahccebuollimiid ja čáhceheađi birra leat jorgaluvvon máŋgga eará gillii. Mii jorgalit maiddái eanet gielaide, jus šaddet muhtun stuorát kriissat ja dáhpáhusat.