Naemhtie mijjieh Krisinformation.se:sne barkebe (Om Krisinformation.se)

Tjåenghkies bïevnesh sveerjen åejvieladtjijste

Krisinformation.se åålmegidie soptseste jïh lea sveerjen åejvieladtji tjåenghkies kanaale aehpiebïevnesi åvteste.

Mijjieh gaajhkem aktene sijjine tjöönghkebe, juktie aelhkies bïevnesh gaavnedh saaht mij åejvieladtje dïedtem åtna. Myndigheten for civilt försvar Krisinformation.se;m jåhta.

Mijjieh dam vihkielommes iktedibie jïh bijjievåajnoem vedtebe.

Krisinformation.se:sne datne våaromebïevnesh åadtjodh maam daarpesjh guktie maahtah deahpadimmiem gïetedidh.

Jis sïjhth vielie daejredh mijjieh dutnjien vuesiehtidh mij aktööride dïedtem åtna jïh gusnie vielie bïevnesh gaavnh.

Krisinformation.se beavna,aehpien åvteli, aehpesne jïh aehpien mænngan, jïh minngemes jis dåaroe.

Maam mijjieh bæjhkoehtibie

Krisinformation.se datme åadtjoeh bïeljelimmieh, sjyöhtehke bïevnesh jïh raerieh guktie maahtah ryöjredidh ovmessie aehpide.

Redaksjovne aaj bæjhkohte gihtjedimmieh jïh reportaasjh mah leah aehpieryöjredimmien jïh aehpiegïetedimmien bïjre.

Tjaaleldh gaaltijh

Akte tsiehkie guktie Krisinformation.se maahta bïevnesh buektedh lea åejvieladtje, tjïelte jallh jeatjah sïebredahkeaktööre dïedtine leah tjaaleldh bïevnesh bæjhkoehtamme.

Krisinformation.se iktegisth dejtie gaaltijidie vuesehte, guktie datne goh guessie maahtah vuejnedh gustie bïevnesh båetieh.

Kanaalh

Krisinformation.se lea webbesijjie, jïh aaj gååvnese goh appe jïh sosijaale kanaaline.

Hijven gåarede redaksjovnem gihtjedh Facebook:sne, Instagram:sne jallh e-påastine. Mijjieh aaj X sijjesne.

Jeatjah gïelh

Krisinformation.se bïevnesh åtna sveerjengïelesne, englaanten gïelesne jïh aelhkieslohkeme sveerjengïelesne.

Sjïere maadthbïevnesh goh vuesiehtimmien gaavhtan skåajjebåeltemh jïh vaenie tjaetsie gååvnesieh ovmessie gïelide jarkoestamme.

Mijjieh aaj jienebe gïelide jarkoestibie jis sjïere stuerebe aehpie jïh deahpadimmie sjædta.